أبطال الديجيتال الفيسبوكي (Trailer)

إلي جابتو ساقيه هوني في قالب غلطة متاع بحث على قوقل و يستنا فيا بش نحكيلو على الكوميك مغامرات ابطال الديجيتال ينجم ينصرف من توا ويمشي يتفرج على سبيستون.

ابطال الديجتال إلي بش نحكي عليهم فالتدوينات الجاية هوما الكائنات الإفتراضية إلي تعبا بيهم الفايسبوك وزادت اعدادهم بعد الثورة و- هالكائنات هذي كغيرها من الثديات أنواع واصناف

الكائنات المجاهدة

هذا هو الصنف إلي يعتقد جازما انو مسؤول على الأخلاق الحميدة الإلكترونية و الأمر بالمعروف و النهي على المنكر. ولي يستخايل روحو في جهاد مقدس على صفحات الفيسبوك ضد كفار قريش متاع 2011.

الكائنات الثورية

الصنف هذا كيما يدل عليه اسمو ضهر بعد  الثورة في إطار الإنفلات الإلكتروني ولي هوايتو نشر الأكاذيب ولامان أكبر عدد ملفانات إلي هوما في  أغلبهم يسبوا فيه

الكائنات الحداثية

هذم مسميهم هواة التربريب والتجاهر بالبلعات الإفتراضية والتقوحيب علراطسة متاع لعريبة بإسم الحداثة ومحاربة الرجعية شعارهم خالف تعرف.

حاصيلو يعطيهم عصبة وفشلة فالبشلة صنف صنف وبش نرجع نحكي عليهم بالتفصيل في تدوينات قادمة.

بيان رقم 1

أيها الماسونيون، أيتها الماسونيات

نحن المسيح الدجاج الوزير الأول بحكومة الضل الماسونية أصدرنا البلاغ التالي

إن التضحيات الجسام التي أقدم عليها الزعيم الماسون الأكبر ، رفقة شياطين و جنون بررة في سبيل تحرير تونس وتنميتها لا تحصر ولا تعد. لذلك أحببناه وقدرناه وعملنا السنين الطوال تحت إمرته في مختلف المستويات. ولكن الواجب الوطني يفرض علينا اليوم أمام طول شيخوخته واستفحال مرضه أن نعلن، اعتمادا على تقرير طبي، أنه أصبح عاجزا تماما عن الاضطلاع بمهام رئاسة المحفل الماسوني

وبناء على ذلك، وعملا بالفصل 666 من الدستور، نتولى بعون بعل حمون وتوفيقه رئاسة المحفل الماسوني التونسي والقيادة العليا لقواتنا المسلحة وسنعتمد في مباشرة مسؤولياتنا، في جو من الثقة والأمن والاطمئنان، على كل أبناء تونسنا العزيزة، فلا مكان للتكريز والنفخ و المشامية بيننا.

إن شعبنا بلغ من البهامة و التصتيك البقري ما لا يسمح لكل أبناءه وفئاته من الجرذان بالمشاركة البناءة في تصريف شؤونه في ظل نظام ماسوني يولي عبادة المثلثات مكانتها ويوفر أسباب البلعات المسؤولة، وعلى أساس سيادة العصبة كما نص عليها الدستور الذي يحتاج إلى مراجعة تأكدت اليوم، فلا مجال في عصرنا لرئاسة محددة ولا لخلافة غير آلية يتدخل فيها للشعب المنيك، فشعبنا غير جدير بحياة سياسية متطورة و ستانس كان بالفشلة فالبشلة.

أيها الماسونيون، أيتها الماسونيات

انه عهد جديد نفتحه اليوم معا على بركة تانيت بجد وعزم، وهو عهد الكد والبذل يمليهما علينا حبنا للوطن ونداء الواجب.

و يدكم